At lata blóð í arbeiðstíð

Kjakansarar: FlóvinE, Dionysus

Alment blóð skal latast við løn

Ja
12
55%
Nei
8
36%
Veit ikki
2
9%
 
Atkvøður í alt : 22

At lata blóð í arbeiðstíð

GoymSkrivað hevur Erik Oluf Andersen » 17 jun 2009, 21:48

Blóðbankin ergo tað almenna við hava fleiri blóðgevar.
Blóðið verður aloftast latið í arbeiðstíð.

Á nógvum almennum arbeiðsplássum verður tað rokna sum frávera at lata blóð.

Er hetta rímuligt?
Eiga allir alment settir blóðgevar ikki fáa møguleika at lata blóð vil løn, um ein so kann siga?
Hvat halda tit?
Um tú ræðist valdsharrar og bindur frið, eru tú longu vorðin trælur.
"How many politicians try to cover up their lies?", "and in the blackness of the night,
abuse us with their might!"
User avatar
Erik Oluf Andersen
 
Innlegg: 1943
Skrásett/ur: 13 okt 2008, 14:58
Kyn: Maður

Re: At lata blóð í arbeiðstíð

GoymSkrivað hevur kaka » 18 jun 2009, 02:55

Í løtuni er blóðgáva ein vælgerð eins og hjálp til neyðstødd o.a.t., og vælgerðin man vera motivatiónin hjá nógvum fyri at lata blóð. Verður blóðgáva lønt, er hon ikki longur ein vælgerð upp á sama máta.
Tað nýtist hon kanska heldur ikki vera. Um arbeiðsgevarin skal lata vera við at rokna tað sum fráveru, soleiðis, at fólk fáa vanliga løn fyri tað, veit eg ikki, men tað er ikki annað enn rímiligt, at tey ikki beinleiðis missa arbeiðsløn við at geva blóð. Mist arbeiðsløn og ferðaútreiðslur kundu verið endurgoldnar.

Spurningurin er so, hvør skal gjalda: arbeiðsgevarin ella sjúkrahúsverkið /skattgjaldarin ? Tað mest logiska í míni verð er, at tað verður fíggjað umvegis skattin, tí blóðgáva er ein tænasta, sum vit øll kunnu fáa brúk fyri onkuntíð.

E.S: Hesin tráður átti at staðið undir "Politikkur og samfelag"
kaka
 
Innlegg: 959
Skrásett/ur: 15 okt 2008, 21:45
Kyn: Dult

Re: At lata blóð í arbeiðstíð

GoymSkrivað hevur Erik Oluf Andersen » 18 jun 2009, 08:05

Haldi heldur ikki, at man beinleiðis skal fáa løn fyri at lata blóð, men haldi hinvegin, at tað átti at verði mett sum goldin frávera frá tí almenna stovni, ið ein er knýttur at, tvs. at man ikki fær ein lønarmiss í hesum sambandi.
Um tú ræðist valdsharrar og bindur frið, eru tú longu vorðin trælur.
"How many politicians try to cover up their lies?", "and in the blackness of the night,
abuse us with their might!"
User avatar
Erik Oluf Andersen
 
Innlegg: 1943
Skrásett/ur: 13 okt 2008, 14:58
Kyn: Maður

Re: At lata blóð í arbeiðstíð

GoymSkrivað hevur kaka » 18 jun 2009, 17:01

Hví skal stovnurin gjalda tað ?
Og hvat við blóðgevarum, sum arbeiða í privatum fyritøkum ? Tað er ikki rímiligt, at arbeiðsgevarin skal gjalda fyri blóð, sum hann ikki hevur biðið um, ha ?

Hevði tað ikki verið snøggast, at Sjúkrahúsverkið lat blóðgevarum eitt endurgjald í hondina, sum svaraði til mista løn + ferðaútreiðslur hjá blóðgevarum, sum koma av bygd ?
kaka
 
Innlegg: 959
Skrásett/ur: 15 okt 2008, 21:45
Kyn: Dult

Re: At lata blóð í arbeiðstíð

GoymSkrivað hevur DuritaJ » 18 jun 2009, 21:08

í DK hevur man haft sera gódar royndir vid einum mobilum blódbanka, har ein "blódbilur" koyrur til ymisk stór arbeidspláss. Starvsfólkini skulla so bara finna 5-10 min. har tey kunna hoppa útum og lata blód. Eg haldi tad er genialt, og generar soleidis minst møguligt arbeidspláss og gerd tad lætt hjá tí einkulta at lata blód. Trúgvi at eitthvørt arbeidspláss hevdi fegin vilja goldid fyri eina 10 min. blódtøkupausu 1-4 ferdir um árid.
Vinarliga Durita

Kolonihavafelag:
viewtopic.php?f=13&t=4778
User avatar
DuritaJ
 
Innlegg: 1107
Skrásett/ur: 19 okt 2008, 22:36
Staður: DK
Kyn: Dult

Re: At lata blóð í arbeiðstíð

GoymSkrivað hevur odmarolsen » 18 jun 2009, 21:18

Eitt avgjørt, rungandi 'Nei'!
User avatar
odmarolsen
Kjakansari í Tónleikur
 
Innlegg: 415
Skrásett/ur: 14 okt 2008, 14:06
Kyn: Dult

Re: At lata blóð í arbeiðstíð

GoymSkrivað hevur kaka » 18 jun 2009, 21:56

Hví tað, odmarolsen ?
kaka
 
Innlegg: 959
Skrásett/ur: 15 okt 2008, 21:45
Kyn: Dult

Re: At lata blóð í arbeiðstíð

GoymSkrivað hevur odmarolsen » 18 jun 2009, 22:48

Pínadoyð, tí fólk eru farin at misskilja okkurt heilt fundamentalt. Meiningin við, at fólk fáa løn er, at tey røkja onkra uppgávu - "Hendan er lønin og tú fært hana fyri at gera hetta ella hatta". Fyri nøkrum árum síðani var spurningurin, um fólk skuldu fáa løn meðan tey vóru burtur frá arbeiði í lækna- ella tannlæknaørindum, frammarlaga í fjølmiðlunum. Tænir tú teimum uppgávum, tú ert sett/ur at gera, við at vera hjá lækna ella tannlækna? Sjálvandi ikki. Tú fært løn fyri, at gera eitthvørt arbeiði og øll meiningin má so vera, at lønin skal nýtast til 'Your problem'-ting sum tað, at fara til tannlækna, lækna ella fáa børnini ansa.

"Hey eg eri uppá vegin, so eg pilli av frá arbeiðinum í eitt ár og eg vil hava fulla løn ta tíðina, eg ikki nýti uppá, at røkja tær uppgávurnar, eg skal eitast vera sett, at røkja". Verðin er farin púra av lagið. Tað er tín løn, sum hevur til endamáls, at fíggja tínar trupulleikar og tíni áhugamál, heldur enn, at tú skalt fáa løn aftrat fyri at fíggja tínar trupulleikar og tíni áhugamál.

Eg kundi liva við, at tað var OK, at lata blóð, uttan at tað var roknað sum frávera, men fyrst átti so mangt annað, har fólk fáa løn meðan tey ikki arbeiða, at verið fingið í rættlag.
User avatar
odmarolsen
Kjakansari í Tónleikur
 
Innlegg: 415
Skrásett/ur: 14 okt 2008, 14:06
Kyn: Dult

Re: At lata blóð í arbeiðstíð

GoymSkrivað hevur tv » 18 jun 2009, 23:36

Arbeiði í privatari fyritøku og vit geva blóð uttan lønarmiss.
Átakið hjá dønum ljóðar sera gott.
"Lower taxes." Then he adds: "I believe you are thinking of reforming your voting system. Be careful of proportional representation. I give you that as a free tip."
Benjamin Netanyahu til Charles Moore hjá The Telegraph
User avatar
tv
 
Innlegg: 1130
Skrásett/ur: 19 okt 2008, 02:29
Staður: Tórshavn
Kyn: Maður

Re: At lata blóð í arbeiðstíð

GoymSkrivað hevur kaka » 19 jun 2009, 00:54

Flott av tíni privatu fyritøku, tv, men eg eri ikki vís í, at allir privatir arbeiðsgevarar halda tað vera teirra uppgávu at fíggja blóðgávu, hóast tað ein penan dag kanska eisini kemur teimum til góðar.

Ja, danska skipanin ljóðar sera snild, eisini tí, at ein rullandi blóðbanki kundi koyrt út á bygdirnar og soleiðis fingið fleiri blóðgevar.

Odmarolsen, um tú meinar, at kvinnur skulu fíggja sítt egna barnsburðarfarloyvi, haldi eg, at tað er tú, sum hevur misskilt okkurt heilt fundamentalt. Tað kemur samfelagnum og øllum arbeiðsplássum til góðar, at vit føða tykkara skíti børn - framtíðarborgarar og -arbeiðsmegi.
Ein hvør arbeiðsgevari, sum setur eina kvinnu í aldrinum millum uml. 20 og 40 ár í starv, veit, at hendan kvinnan helst skal hava nøkur børn, so útreiðslur í sambandi við barnsburð má eitt arbeiðspláss hava innroknað í heildarroknskapin, akkurát sum ein handil altíð roknar við ávísum spillprosenti av vørum.

Eisini viðvíkjandi læknavitjanum, kann tað væl setast spurnartekin við, um tað skal roknast sum frávera ella ikki. Hjá fólki, sum fara til lækna eina ferð um árið ella minni, er tað eingin fíggjarligur kleppur, men hvat við teimum, ið hava varandi trupulleikar av onkrum slagi og mugu til lækna ella á laboratoriið við jøvnum millumbilum ? Skulu tey vera fyri mismuni, tí at tey stríðast við okkurt brek, tey ikki sjálv hava valt ?

Ná, men hetta alt er kanska eitt sindur off-topic, tí blóðgevar eru frísk fólk, sum sjálvboðin gera eina samfelagstænastu, ið er neyðug fyri øll onnur. Hví skulu tey missa løn av tí ?
kaka
 
Innlegg: 959
Skrásett/ur: 15 okt 2008, 21:45
Kyn: Dult

Re: At lata blóð í arbeiðstíð

GoymSkrivað hevur Erik Oluf Andersen » 19 jun 2009, 01:37

Blóðbankin er eitt alment arbeiðspláss og øll almenn arbeiðspláss hava, tá alt kemur til alt, tann sama arbeiðsgevaran - tað almenna.

Tí haldi eg, at tað er eitt sindur løgið, at arbeiðsgevarin inniliga heitir á fólk um at veita sær eina tænastu í arbeiðstíð, og lønin fyri tænastuna er lønarmissur ... hatta hongur ikki saman.
Um tú ræðist valdsharrar og bindur frið, eru tú longu vorðin trælur.
"How many politicians try to cover up their lies?", "and in the blackness of the night,
abuse us with their might!"
User avatar
Erik Oluf Andersen
 
Innlegg: 1943
Skrásett/ur: 13 okt 2008, 14:58
Kyn: Maður

Re: At lata blóð í arbeiðstíð

GoymSkrivað hevur odmarolsen » 19 jun 2009, 21:50

kaka segði :Odmarolsen, um tú meinar, at kvinnur skulu fíggja sítt egna barnsburðarfarloyvi, haldi eg, at tað er tú, sum hevur misskilt okkurt heilt fundamentalt. Tað kemur samfelagnum og øllum arbeiðsplássum til góðar, at vit føða tykkara skíti børn - framtíðarborgarar og -arbeiðsmegi.
Ein hvør arbeiðsgevari, sum setur eina kvinnu í aldrinum millum uml. 20 og 40 ár í starv, veit, at hendan kvinnan helst skal hava nøkur børn, so útreiðslur í sambandi við barnsburð má eitt arbeiðspláss hava innroknað í heildarroknskapin, akkurát sum ein handil altíð roknar við ávísum spillprosenti av vørum.

Eg sigi ikki, at kvinnur skulu fíggja teirra barnsburðarfarloyvi. Sum Pearl Bailey og Louis Armstrong á sinni, hvør í sínum lagi, kvóðu; it "Takes Two To Tango", so hvat við at pør fíggja teirra barnsburðarfráveru? Um tú vilt keypa ein nýggjan bil og sølumaðurin vísir tær á tveir og sigur, at hesin eini er ein frálíkur bilur til tín tørv, men tað er hesin eisini, men tú kanst rokna við, at hann støðgar við at virka í fleiri mánaðar nakrar ferðir, hvønn velur tú so? Øll duga, at síggja tað, við einum undantaki. Ein arbeiðsgevari skal bara vága sær, at gera mun á tí eina og so hinum, tí annars verður hann ákærdur fyri, at gera mismun, hóast ein sera konkretur munur er.

Fólk eru eisini farin, at argumentera sum um, at tey gera hetta alt fyri samfelagið, sum um vit øll skulu hugsa, at tey ikki vilja hava børn, men "huff og puff, vit mugu royna, at fáa børn, fyri samfelagsins skuld". Tað er bara bullshit - tit hava ikki samfelagið í huga tá tit fáa tykkum børn. Come on!

kaka segði :Eisini viðvíkjandi læknavitjanum, kann tað væl setast spurnartekin við, um tað skal roknast sum frávera ella ikki. Hjá fólki, sum fara til lækna eina ferð um árið ella minni, er tað eingin fíggjarligur kleppur, men hvat við teimum, ið hava varandi trupulleikar av onkrum slagi og mugu til lækna ella á laboratoriið við jøvnum millumbilum ? Skulu tey vera fyri mismuni, tí at tey stríðast við okkurt brek, tey ikki sjálv hava valt ?

Eg var hjá tannlækna í vikuni og fekk, sum rímiligt er, ikki løn meðan eg var har. Eg hevði mínsann eisini eitt hol, so eg fekk eina rokning uppá 2000 kr., harav 1500 fóru av mínum Visa-korti. Hinar 500 rindaði Sjúkrakassin, sum eg havi goldið fleiri ferðirnar ta upphæddina í. Sovorðið fær meg altíð, at undrast yvir, hví vit gera nakað so býtt, sum at rinda pengar í Sjúkrakassan í staðin fyri bara at betala alla upphæddina so hvørt. Hví skulu vit í felag rinda fyri tannlæknarokningarnar hjá hvørjum øðrum? Hví havi eg rætt til endurgjald um eg skifti brillur (sum eg nú ikki hevði funnið uppá, at kravt)? Hvat er hetta fyri fjas?

Fólk, sum hava varandi trupulleikar, eiga heldur at hava rætt til endurgjald, hvørt tað so snýr seg um læknavitjanir ella óvanliga høgar útreiðslur til heilivág, heldur enn at hvør sum helst av okkum skal kunna fara frá arbeiðsplássinum við fullari løn.

kaka segði :Ná, men hetta alt er kanska eitt sindur off-topic, tí blóðgevar eru frísk fólk, sum sjálvboðin gera eina samfelagstænastu, ið er neyðug fyri øll onnur. Hví skulu tey missa løn av tí ?

Fyri at vera on-topic: Hvat um tey vilja selja lutaseðlar fyri Reyða Kross? Skal tað ikki verða roknað sum frávera? Hvat um tey so gera tað hvønn dag?
User avatar
odmarolsen
Kjakansari í Tónleikur
 
Innlegg: 415
Skrásett/ur: 14 okt 2008, 14:06
Kyn: Dult

Re: At lata blóð í arbeiðstíð

GoymSkrivað hevur kaka » 20 jun 2009, 16:51

odmarolsen segði :so hvat við at pør fíggja teirra barnsburðarfráveru?

Ja, ja, nú fara vit so víða um (huff). Eitt er tó so púra sikkurt: Vit fáa børn fyri okkara egnu skuld, men uttan børn er skjótt einki samfelag. Fólk, sum fáa børn, eiga ikki at vera fyri mismuni á arbeiðsmarknaðinum. Hvør so skal gjalda, kann diskuterast. Um allar útreiðslurnar liggja á arbeiðsgevaranum, fáa vit hatta vanbýtið, tú nevnir: arbeisgevarar aftra seg við at seta barnfør konufólk í starv. Lukkutíð hava vit barnsburðargrunnar.

odmarolsen segði :Hví skulu vit í felag rinda fyri tannlæknarokningarnar hjá hvørjum øðrum?

Jú, odmarolsen, tað er í lagi, at vit í einum framkomnum samfelagi hjálpa hvør øðrum at bera byrðar. Vit hoyra til tann sterka og tann veika bólkin skiftivís: tú hjálpir við at gjalda mín barnsburð, og eg hjálpi tær, tá tú skalt vera pápi, ella um tú ert óheppin og brýtur beinið t.d.
Nú, tú nevnir tannlæknarokningar: Vanlig tannviðgerð átti at verið ókeypis (eins og í Svøríki, t.d.). Tenninar eru fastar í restini av kroppinum, og hol o.t. eru sjúkur, ið eiga at verða handfarnar sum allar aðrar sjúkur í maganum, í stórutá ella aðrastaðni í kroppinum. Tað líkist ongum, at fólk halda seg aftur at fara til tannlækna fyri vanligar tannsjúkur, tí tey ikki hava ráð ! Nógv hava ikki ráð, hóast endurgjaldið frá sjúkrakassanum, tað er tann beiski veruleikin.
Luksusviðgerðir sum brúgvar o.t. kundu fólk sjálv goldið. Tá skal sjálvandi definerast, hvat luksusviðgerð er, men tað er ikki øðrvísi enn fyri so mangt annað so sum laserviðgerð av eygum, oyrnaimplantat v.m.

odmarolsen segði :Hví havi eg rætt til endurgjald um eg skifti brillur

Og brillur, ja ! Hatta endurgjaldið, tú fært frá sjúkrakassanum, er láturligt ! Fyri einar brillur, sum kosta meiri enn 6000 kr., fært tú nakrar fáar hundraðkrónuseðlar aftur frá sjúkrakassanum. Har hava tey opið ml. kl. 11 og 13, so tú skalt eftir pengunum í arbeiðstíð og missa løn fyri tað. Hvussu nógv er tá eftir av endurgjaldinum ?
Fólk, sum eru bundin av brillum, áttu at fingið brillurnar kvit og frit umvegis sjúkrakassan, møguliga ein útvíðkaðan sjúkrakassa, har brúkarin letur eitt meirgjald.
Hví fáa fólk ókeypis hoyritól, men ikki brillur ? Sum er, skal styrkin á brillugløsunum vera meiri enn 6, áðrenn tú hevur rætt til brillur frá tí almenna. Tá sært tú ikki, um tallerkurin er djúpur ella flatur.
Annars skuldi sjúkrakassin verið avtikin við brestin, og gjaldið skuldi verið ein partur av skattinum ístaðin.

On-topic aftur, men alt partur av sama høvuðsprinsippi:
Útreiðslur til ein blóðgeva eiga heldur ikki at liggja á arbeiðsgevaranum, men á sjúkrahúsverkinum, sum ikki kann/vil taka blóð eftir arbeiðstíð.

odmarolsen segði :Hvat um tey vilja selja lutaseðlar fyri Reyða Kross? Skal tað ikki verða roknað sum frávera? Hvat um tey so gera tað hvønn dag?

Lutaseðlar fyri Reyða Kross verða best seldir eftir arbeiðstíð, tá fólk eru heima, ella teir kunnu leggjast í handlar til sølu.
kaka
 
Innlegg: 959
Skrásett/ur: 15 okt 2008, 21:45
Kyn: Dult

Re: At lata blóð í arbeiðstíð

GoymSkrivað hevur BMA » 22 jun 2009, 03:46

Blanda meiningarnar hjá odmarolsen og kaka saman, so hava vit, eftir míni meting, tað frægasta úrslitið :) Bæði argumentera væl, og eg klári at fylgja hugsjónunum hjá báðum. Tó eri eg ikki heilt samdur við odmarolsen viðvíkjandi børnunum. Tað er einaferð so, at okkara samfelag innanfyri langa tíð fer at mangla børn. Tískil er tað gott at skapa so góðar karmar sum yvirhøvur gjørligt fyri teimum, sum tíma at fáa sær børn. Tað loysir seg í síðsta enda :)
Patience is not a virtue, it is a waste of time.
BMA
 
Innlegg: 686
Skrásett/ur: 15 okt 2008, 10:25
Staður: Viðareiði
Kyn: Maður

Re: At lata blóð í arbeiðstíð

GoymSkrivað hevur Erik Oluf Andersen » 04 jul 2009, 22:13

Tað undrar meg, at tað eru so nógv, ið halda at tað er í lagi, at fólk í almennum starvi, sum gera tí almenna eina tænastu við at geva blóð í arbeiðstíð skulu hava ein lønarmiss av hesum. Ná, tað er helst ikki so nógv meira at siga um hetta. Um tit annars hava fingið blóð uppá tonna kunnu tit vitja http://www.gevidblod.fo/
Um tú ræðist valdsharrar og bindur frið, eru tú longu vorðin trælur.
"How many politicians try to cover up their lies?", "and in the blackness of the night,
abuse us with their might!"
User avatar
Erik Oluf Andersen
 
Innlegg: 1943
Skrásett/ur: 13 okt 2008, 14:58
Kyn: Maður

Fram

Aftur til Politikkur og samfelag

Vitjandi og virknir kjakarar

Kjakarar til staðar her: No registered users

cron