Umstøðurnar hjá fólkaskúlanæmingum

Ein ókeypis pallur til øll kommunuvalevni

Kjakansarar: FlóvinE, Dionysus

Umstøðurnar hjá fólkaskúlanæmingum

GoymSkrivað hevur Rannvá Ragnarsdóttir » 31 okt 2008, 22:08

Venda vit eyguni móti skúlanum, haldi eg ikki, at skúlaviðurskiftini í kommununi eru nøktandi. Eg veit, at nakað verður gjørt nú á hesum øki. Í dag ganga børnini í skúla í skúrum bæði í Havnini og á Argjum. Hetta er ikki nóg gott til okkara besta tilfeingi.

Í skúlunum skulu børnini sita inni í stovunum og eta matpakkan. Eftir matarsteðgin skulu børnini aftur nýta somu stovu við øllum molunum og matarroykinum til framhaldandi skúlagongd. Tjóðveldi vil bøta munandi um umstøðurnar hjá næmingunum at eta á skúlunum.

Eftir mínum tykki eigur á øllum skúlum at vera borið so í bandi, at børnini fáa møguleika at eta á matstovu á skúlanum. Í matarhølunum kunnu børnini eta matpakka ella í besta føri, eru fólk, sum burturav gera góðan, sunnan, skiftandi mat til børnini. Í byrjanini kundi hetta verið fíggjað við, at kommunan rindar ein part av hesum og foreldrini ein part. Men so við og við eigur kommunan at gjalda allan kostnaðin. Endamálið er sjálvsagt, at børnini fáa sunnan mat, sum tey eta, og at tey á tann hátt verða betri motiveraði at læra og at vera virkin í tímunum. Havast skal í huga, at skúladagurin gerst alsamt longri. Tómir magar fremja ikki læring. Eisini kann hetta viðvirka til, at børnini hava góð barna- og ungdómsár og framhaldandi vilja búgva í kommununi og tey, ið fara burtur at lesa, koma aftur til kommununa at búgva eftir lokna útbúgving.

Við tjóðveldiskvøðu


Rannvá Ragnarsdóttir, valevni í Tórshavnar kommunu
Rannvá Ragnarsdóttir, valevni hjá Tjóðveldi http://www.tjodveldi.fo/rannva
Rannvá Ragnarsdóttir
 
Innlegg: 6
Skrásett/ur: 31 okt 2008, 22:01
Kyn: Dult

Re: Umstøðurnar hjá fólkaskúlanæmingum

GoymSkrivað hevur Hergeir » 31 okt 2008, 22:34

what? Skal kommunan breyðføða øllum skúlanæmingunum? Skal hetta eisini verða galdandi fyri miðnámsskúlar? Um nei, hví ikki? Tú ætlar sostatt at fáa eina kantinu inn í allar skúlarnar? Hví kann mann ikki bara rudda upp eftir sær sjálvum og lufta út? Hevur tú nakra hóming av, hvat hetta fer at kosta?

Tað kann væl vera, at tað ikki er nr.1 at ganga við tómum maga, men harfrá til at siga,at tað er uppgávan hjá kommununi at fylla magarnar er... skulu vit siga: í yvirkantinum.

Ljóðar ikki sørt matligt hetta uppskotið :lol:
Blaðfólk - Hvat heldur tú vera løgið?
Jensina - At fólk halda tað er løgið, at fólk ikki eru líka sum tey
User avatar
Hergeir
 
Innlegg: 1629
Skrásett/ur: 13 okt 2008, 10:23
Kyn: Dult

Re: Umstøðurnar hjá fólkaskúlanæmingum

GoymSkrivað hevur Niels Uni » 31 okt 2008, 22:41

Hergeir, børnini eru okkara størsta og týdningarmiklasta tilfeingi, tá eg var barn, var døgurðatími, bæði fyri vaksin og børn, hetta gjørdi, at flest øll børn fingu mat á døgurða, antin heitan mat, í teimum heimunum har mamman gekk heima(ja, tá gingu næstan eingir pápar heima), ella breyð, har bæði foreldrini vóru á arbeiðsmarknaðinum. Hetta er broytt nógv, eftir at døgurðatímin hvarv. Nógv børn røra ikki matpakkan, ella hava ongan matpakka við, hetta ávirkar innlæringina ógvisliga, tí hevur Rannvá grein í sínum máli. Okkurt má gerast, tí hetta skaðir okkara týdningarmesta tilfeingi.
“I played for Liverpool for a few years and had some great moments. But when a club like Chelsea, with bigger potential, come calling, it’s hard to say no – especially when it looked impossible to win the league for Liverpool.”, Fernando Torres
User avatar
Niels Uni
 
Innlegg: 1643
Skrásett/ur: 13 okt 2008, 23:37
Kyn: Maður

Re: Umstøðurnar hjá fólkaskúlanæmingum

GoymSkrivað hevur Hergeir » 31 okt 2008, 23:36

Nógv børn røra ikki matpakkan, ella hava ongan matpakka við

Tað kann væl vera, men er hatta ábyrgdin hjá kommununi? Um argumentið var, at tað er ov dýrt at geva børnunum matpakka, so hevði tað kanska verið nakað. Men, at børn ikki røra sín matpakka... tað kann kommunan ikki fáa ábyrgdina av. Tað sama, um eitt barn ikki hevur matpakka við, so kann mann ikki geva kommununi skyldina fyri tað. Onkra ábyrgd mugu foreldur hava í hesum svingdørs tíðum. Tað er skeivt at lata alt upp í hendurnar hjá tí almenna.
Blaðfólk - Hvat heldur tú vera løgið?
Jensina - At fólk halda tað er løgið, at fólk ikki eru líka sum tey
User avatar
Hergeir
 
Innlegg: 1629
Skrásett/ur: 13 okt 2008, 10:23
Kyn: Dult

Re: Umstøðurnar hjá fólkaskúlanæmingum

GoymSkrivað hevur Niels Uni » 01 nov 2008, 11:30

Ábyrgdin liggur neyvan hjá kommuni, men tað er í áhuganum hjá kommununi, at innlæringin hendur í bestu møguligur støðuni, soleiðis at vit fáa lagt best møguligt niður í børn okkara. Tí eru kantinur eitt fínt ting. Hóast foreldrini hava ábyrgdina av, at fáa børn síni at at í skúlanum, er hetta sera torført at stýra hjá foreldrunum, og vandi er fyri at matpakkar enda í skrellispannum á veg heim. Eg dugi illa at síggja onnur brúkbar alternativ, enn hetta við skúlakantinum,
“I played for Liverpool for a few years and had some great moments. But when a club like Chelsea, with bigger potential, come calling, it’s hard to say no – especially when it looked impossible to win the league for Liverpool.”, Fernando Torres
User avatar
Niels Uni
 
Innlegg: 1643
Skrásett/ur: 13 okt 2008, 23:37
Kyn: Maður

Re: Umstøðurnar hjá fólkaskúlanæmingum

GoymSkrivað hevur FlóvinE » 01 nov 2008, 11:57

Eg gangi fult inn fyri at skúlabørn kunnu fáa mat í kantinu í skúlanum -- við partvísum brúkaragjaldi. Soleiðis er gongdin bara, alt fleiri arbeiðsgevarar gera góðar umstøður fyri síni starvsfólk, herundir kantinur. At eta heima ella heimanífrá er á veg út. Hví skal tað vera øðrvísi fyri børnini?

Men hetta kostar. Er nakar av tykkum báðum, Rannvá ella Niels Uni, sum hevur nakra útrokning av hvat tað kostar? Stórdriftsfyrimunir eru, og er brúkargjaldið minni enn 100% eru fleiri sum fara at brúka eina slíka skipan og stórdriftsfyrimunirnir størri. Tað má vera møguligt at fáa sunnan og mettandi mat til øll skúlabørn á størru skúlunum fyri ein rímiligan penga.

Eg ivist ikki í, at ein kantina á skúlanum hevði økt trivnaðin, og hevði gagnað innlæringini. (Eg havi sæð útbúgvingargranskarar vísa til hetta ofta, men veit tó ikki um nakra kanning, har hetta hevur verið í fokus.)
Harraguð - Eg eri fullkomuliga umgyrdir av dólgum.
- infowarrior á kjak.org, 27. mai 2013
User avatar
FlóvinE
Kjakansari í Politikkur og samfelag & Brúkaramál og privatbúskapur & Leyst og fast
 
Innlegg: 2907
Skrásett/ur: 13 okt 2008, 15:56
Staður: Vanløse
Kyn: Maður

Re: Umstøðurnar hjá fólkaskúlanæmingum

GoymSkrivað hevur Rannvá Ragnarsdóttir » 01 nov 2008, 13:01

Eg veit ikki um nakra útrokning, hvat samlaði kostnaðurin er, tíverri, men sum eg síggi tað, kostar tað ov nógv, ikki at gera nakað.

Eg veit, at fyri ikki so langari tí síðani var talan um, at køkurin á Landssjúkrahúsinum kundi gera matpakkar til skúlabørnini. Her skuldi foreldrini rinda allan kostnaðin. Eg minnist ikki rættiliga, hvat ein matpakki kostaði, men tað var til at rinda.

Tikið varð ikki av tilboðnum. Eitt av argumentunum var, at foreldrini sjálvi vilja stýra, hvat børnini/tey ungu fáa við í matpakkan og harvið eta. Tað argumentið er jú eisini til at skilja, tí øll foreldur ynskja jú, at børn teirra eta sunt. Eg rokni bara við, at tá børnini koma upp um ein ávísan aldur, er ongin trygd fyri, at matpakkin heimanífrá ella aðrastaðni verður etin.

Eg haldi ikki at fáa ein matpakki frá t.d. køkinum á Landssjúkrahúsinum loysir sjálvan trupulleikan. Tað er sjálvar umstøðurnar at fáa sær eta hjá næmingunum, ið treingja til at betrast munandi og í allarbesta føri, eisini at økja um útboðið av góðum, sunnum mati.
Rannvá Ragnarsdóttir, valevni hjá Tjóðveldi http://www.tjodveldi.fo/rannva
Rannvá Ragnarsdóttir
 
Innlegg: 6
Skrásett/ur: 31 okt 2008, 22:01
Kyn: Dult

Re: Umstøðurnar hjá fólkaskúlanæmingum

GoymSkrivað hevur FlóvinE » 01 nov 2008, 14:23

Rannvá Ragnarsdóttir segði :Eg veit ikki um nakra útrokning, hvat samlaði kostnaðurin er,

Og tú bjóðar teg fram sum valevni við hesum í tínum programmi? Eg haldi hetta er at halda veljaran fyri gjøldur. Hví skal man ger sær ómak og seta seg inn í, hvat valevnini hava á skránni, áðrenn man velur, tá valevnini ikki sjálvi hava sett seg inn í tað tey sjálvi hava á skránni?

Rannvá Ragnarsdóttir segði :men sum eg síggi tað, kostar tað ov nógv, ikki at gera nakað.

Ok, hvussu nógv er tað so, meðni?

Rannvá Ragnarsdóttir segði :Eg veit, at fyri ikki so langari tí síðani var talan um, at køkurin á Landssjúkrahúsinum kundi gera matpakkar til skúlabørnini. Her skuldi foreldrini rinda allan kostnaðin. Eg minnist ikki rættiliga, hvat ein matpakki kostaði, men tað var til at rinda.

Kann tú royna at finna út av tí? Ella ætlar tú ikki at kanna tað fyrr enn tú er vald? Ella kanska heldur ikki tá, skal tað samtykkjast uttan at kanna, hvat tað kostar?

Orsakað, um eg eri eitt sindur harður við teg, men mær dámdi sera væl títt fyrsta innlegg. Og so endar alt í berum gitingum. Tú hevur møguleika í valstríðnum at vísa, at tú fer at arbeiða seriøst í býráðnum. Hetta haldi eg ikki er nakað serliga væl eydnað her.

Lær frá Niels Una!
Harraguð - Eg eri fullkomuliga umgyrdir av dólgum.
- infowarrior á kjak.org, 27. mai 2013
User avatar
FlóvinE
Kjakansari í Politikkur og samfelag & Brúkaramál og privatbúskapur & Leyst og fast
 
Innlegg: 2907
Skrásett/ur: 13 okt 2008, 15:56
Staður: Vanløse
Kyn: Maður

Re: Umstøðurnar hjá fólkaskúlanæmingum

GoymSkrivað hevur Niels Uni » 01 nov 2008, 17:53

Áðrenn eg fái skeld frá tær eisini ;) Má eg viðganga, at eg heldur ikki ani hvat hetta kostar. Mær dámdi eisini væl fyrsta innleggi hjá Rannvá, og dugi væl at síggja fyrimunin við hesum, so tí svaraði eg Hergeiri aftur. Men eg havi tað ikki á míni valskrá, royni sum heild at lova minst møguligt. Men tað sagt eri eg jaliga stillaður mótvegis hesum uppskoti - Sjálvandi um tað kann gerast innan fyri rímiligar fíggjarkarmar. Sum eg dugi at síggja tað, so er størsti trupulleikin, at fleiri av gomlu skúlunum krevja rættilga dýra umbygging fyri at rúm skal vera fyri køkum og/ella kantinum, og skulu hesar umbyggingar gerast, er neyðugt at gera hetta yvir langa tíð.
“I played for Liverpool for a few years and had some great moments. But when a club like Chelsea, with bigger potential, come calling, it’s hard to say no – especially when it looked impossible to win the league for Liverpool.”, Fernando Torres
User avatar
Niels Uni
 
Innlegg: 1643
Skrásett/ur: 13 okt 2008, 23:37
Kyn: Maður

Re: Umstøðurnar hjá fólkaskúlanæmingum

GoymSkrivað hevur Rannvá Ragnarsdóttir » 01 nov 2008, 18:26

Kostnaðurin pr. máltíð meti eg kunna gerast millum 20-25 kr., við 3000 næmingum í 200 skúladagar, er hetta 15.000.000 kr.

Viðvíkjandi sjálvum matarhølunum kann hetta gerast bíliga við at sláa skúlastovur saman, ið hereftir kunnu brúkast til matarhøli. Við hesari loysnini fáa næmingarnir eitt høli, ið bert verður brúkt til at eta í t.d. matpakka, við næmingarnir hava við. Trupulleikin við hesari loysnini er tó, at fleiri skúlar í kommununi mangla skúlastovur sum er. Her kundi tó ein loysn verið forskotnir døgurðasteðgir, soleiðis at ikki var neyðugt við alt ov nógvum plássi til matarhøli. Skulu nýggj matarhøli byggast, skulu ítøkjuligar ætlanir gerast fyri byggingina, ið skal bjóðast út, soleiðis at bíligast og besta loysnin verður funnin. Prísurin fyri bygging er ógvuliga varierandi. Sjálvandi skal kostnaður nágreiniliga kannast áðrenn nøkur ætlan verður sett í verk, men at seta nágreiniliga kostnaðin á eina byggiætlan, krevur serfrøðingar av ymsum slag og er ringt hjá vanliga borgaranum at gera eina slíka útrokning. Og tað er jú vanligu borgarin, ið eru valevnini.

Viðvíkjandi vallyftum eri eg av tí fatan, at onki nyttar at geva nøkur lyfti, tí ongin trygd er fyri, at lyftini kunnu haldast. Hetta veldst jú um, hvat semja fæst um í býráðnum. Ætlanin við innlegginum er at vísa á, hvat eg meini, er neyðugt at broyta í Tórshavnar kommunu og hesum ætli eg mær eisini at arbeiða seriøst ;) fyri.
Rannvá Ragnarsdóttir, valevni hjá Tjóðveldi http://www.tjodveldi.fo/rannva
Rannvá Ragnarsdóttir
 
Innlegg: 6
Skrásett/ur: 31 okt 2008, 22:01
Kyn: Dult

Re: Umstøðurnar hjá fólkaskúlanæmingum

GoymSkrivað hevur DuritaJ » 01 nov 2008, 21:58

í nýggju skúlunum sum er vid at vera bygdir beint nú í TK, er ein kantina blivin tekna inn í projekti?

Um ikki, so haldi eg at ein gód byrjan er, at broyta tekningarnar, soleidis at tad er møguligt at fáa eina matstovu/kantinu í nýggju skúlunum í TK!
Eg veit ikki um eg haldi at kommunan/landi skal gjalda fyri mat til skúlabørnini. Haldi tad muga foreldrini gera. Men kommunan kundi td. givid 1-2 stk. frugt um dagin fx kl. 10 og 13.30, so at børnini fingu okkurt sunt at eta.



Hergeir, situr tú á kontóri ella nakad líknandi? dámar tær væl at eta matpakka vid tínum skrivarabordi?
Vinarliga Durita

Kolonihavafelag:
viewtopic.php?f=13&t=4778
User avatar
DuritaJ
 
Innlegg: 1107
Skrásett/ur: 19 okt 2008, 22:36
Staður: DK
Kyn: Dult

Re: Umstøðurnar hjá fólkaskúlanæmingum

GoymSkrivað hevur Hergeir » 01 nov 2008, 23:53

Durita J. Eg havi óivað gingið á fleiri skúlum enn tú, og eg havi ongantíð havt nakað problem við hasum eina døgurðanum. Tað snýr seg um 30 min., tað er alt.

Brúka vit studentaskúlan sum dømi, so plagi eg sum oftast at koyra onkra aðrastaðnis at fáa mær døgurða. Hví? Tí tað er alt ov nógv trýst á kantinuni. Um tú ætlar tær at fáa nakran mat har, so nært tú ikki at koma til tíðina til næsta tíman. Eg minnist ikki talið á hvussu nógv ganga har, men um mann roknar við 400 næmingum og einum steðgið, sum er 30 min ogavgreiðslan av hvørjum næmingi tekur 20 sek., so eru tað bert 90, sum náa at fáa nakað áðrenn tíðin er úti.

Tá vil eg nógv heldur sleppa at ein matpakka í frið og náðum. Kundi ikki skitið meir á, hvar hann verður etin.

Minnist meg rætt, so kostaði ein hálvur døgurði 25 kr. og ein heilur 40 kr.. Um tað skal vera sunt afturat, so verður tað enn dýrari (hóast eg meti tað vera fullkomuliga upp til næmingin, um hann skal eta sunt ella ei... tað skal kommunan blanda seg uttanum.)

Á handisskúlanum var eisini ein kantina. eini 50% av øllum skúlanum er ein kantina, men har var somikið dýrt, at tað bar slett ikki til at keypa har, so aftur har fór mann oman í sms ella Jóhannes Andreassen. Og tað einasta mann hoyrdi frá leiðsluni har, var, at kantina mátti uppa prísirnir, tí tað var ov dýrt at reka kantinuna.

So aftur har kiksaði tað. MEN, tekniski skúlin hevði eina fína kantinu, sum var ein bygningur fyri seg og veruliga fungeraði sum ein kantina, heldur enn ein hybrid av onkrum slag.

Eg haldi tað, sum hevur størstan týdning, er, at leingja døgurðasteðgin, so talan ikki verður um eina kapping, men heldur um at njóta matin og geva sær tað tíð tað tekur. Nakað tvætl, at mann skal skunda sær so nógv at eta.

Útfrá hasum dugi eg at síggja:

1) Tað kostar at reka eina kantinu.
2) Maturin kostar uml. 40 kr. (ekslusivt drekka) og ikki 20-25 kr.
3) Flestu skúlarnir hava onga kantinu, so aftur her kemur tað at kosta nógv.
4) Tað er órealistiskt at geva øllum næmingunum mat innan tíðarkarmarnar, um mann ikki setur fleiri fólk enn vanligt.
... und zu weiter.

men fyri at svara tínum spurningi, so nei, eg arbeiði ikki á einum kontóri. Gangi á universiteti og eti á matstaði við universiteti.
Blaðfólk - Hvat heldur tú vera løgið?
Jensina - At fólk halda tað er løgið, at fólk ikki eru líka sum tey
User avatar
Hergeir
 
Innlegg: 1629
Skrásett/ur: 13 okt 2008, 10:23
Kyn: Dult

Re: Umstøðurnar hjá fólkaskúlanæmingum

GoymSkrivað hevur DuritaJ » 02 nov 2008, 00:54

Hergeir, eg vil als ikki avsannad um tú hevur gingid í fleiri skúlum enn eg ella ikki.

Tú sigur, at tú plagar/plagdi at koyra adra stadni fyri at fáa tær døgudra. Heldur tú næmingarnar í 1. -10. fl. hava sama møguleika sum tú at bara koyra onkra adra stadni fyri at fáa sær døgudra?

Eg havi annars aldrin havt trupuleikar vid at náa at eta í kantinuni í Studentarskúlanum - man skal bara duga og vita nær man skuldi koma ;) Óansæd um ein keypur matin harfrá ella hevur matpakkan hjá sær vid oman í kantinuna.

Tad sum merkir nakad fyri meg er, at matpakkin kan koma í ein køliskáp (hava allar stovur í skúnum í Føroyum eitt køliskáp?), har matpakkin kan standa í frid og nádum inntil døgudrastedgin.
Harnæst er tad vigtugt at hava atgongd til gløs og reint vatn. Alternativt at man kan keypa vatn á skúlanum.

At ein hevur møguleika fyri at fáa ein tallerk, knív og gaffil og evt. microovn, so barnid hevur møguleika fyri at hita sær matin. Harvid kan tad eisini fáa meira varierandi mat vid enn bara turt breyd vid livurpostaj.

At barnid kan eta á einum "fridarligum" stadi, har onnur eta og hugna sær vid matarbordi. Ikki í einari skúlastovu har helvtin rennur runt og blakar vid papírkúlum, rópar og skrálar, renna millum bordini, spæla kort og gera annad enn at eta.
Vinarliga Durita

Kolonihavafelag:
viewtopic.php?f=13&t=4778
User avatar
DuritaJ
 
Innlegg: 1107
Skrásett/ur: 19 okt 2008, 22:36
Staður: DK
Kyn: Dult

Re: Umstøðurnar hjá fólkaskúlanæmingum

GoymSkrivað hevur Online » 02 nov 2008, 01:14

Til Rannvu Ragnarsdóttir úr Tjóveldi:

Havi klikt meg á tína síðu á tjóveldi via olivant.fo... og har stendur millum annað:

Rannvá Ragnarsdóttir, tjóveldi
Málið hevur verið at hava 5 næmingar til hvørja telduna. Spurningurin er,
um hetta málið ikki varð sett í eini tíð, tá ið fáar teldur vóru í skúlunum
og lærarar ikki høvdu telduførleikan. Á hendan hátt fellur teldan ikki sum
eitt nátúrligt amboð í undirvísingini sum t.d. bókin ella talvan. Kundu vit
ímynda okkum, at 5 næmingar vóru um hvørja roknibók í 4. flokki? Nei, tað
hevði eingin hugsar sær.

Skal veruligur bati vera á hesum øki, eigur eftir míni metan málið at vera,
at 2-3 næmingar eru um hvørja teldu á skúlanum.




- er hatta eitt mál? - hatta er nakað ein og hvør kann siga og bøta um - hatta er lættisopa mál at koma við og ikki eina stemmu verduga.
Eg kann tað sama siga, at tað skal vera 1-2 børn per teldu.. vel meg!
Last edited by Online on 02 nov 2008, 09:17, edited 1 time in total.
Online
 
Innlegg: 736
Skrásett/ur: 15 okt 2008, 19:32
Staður: allastaðni
Kyn: Kvinna

Re: Umstøðurnar hjá fólkaskúlanæmingum

GoymSkrivað hevur Hergeir » 02 nov 2008, 01:18

now we're talking Durita :)
Hatta við skúlunum var mest meint fyri at vísa á, at eg also havi prøvað at eti døgurða á nógvum skúlum. Tú tosaði okkurt um eina skrivstovu...

Nei, eg haldi ikki, at øll frá 1-10 flokki hava atgongd til bil ella skutara. Hatta var bara fyri at vísa á dømi, har mann faktiskt hevði kantinu og hvussu tað riggaði í praksis. At tú so snýtir eitt sindur, tá tú ert svong og letur tað ganga útyvir tíni medmenniskju, tað er bara langt úti ;)

Hatta við einum køliskápi er eitt fínt og nógv meir realistiskt hugskot enn: "SUNNAN ÓKEYPIS MAT OG KANTINUR TIL ALLAR NÆMINGAR!"... hvat og hvussu mann ger... taaaaað hevur ikki so nógv at siga. Veit annars ikki hví magin hjá børnum, skal verða tómari enn hjá teimum vaksnu :roll:

Køliskáp, mikro ovnur og bestikk skuldi lati seg gjørt. Minnist at í Hoydølum var okkurt problem við at hava kaffimaskinu og ketil... minnist ikki hvat. Men dugi væl at ímynda mær, at okkurt líknandi skuldi veri við mikro ovni, hóast tað óivað var nakað tvætl.

Tað var eisini gamalt, at lærarnir ótu í sama rúmi, so tað var friðarligt.

Annara var tað einaferð ein orning við mjólkapakkum, (sunkist stødd) sum var rættiliga genial.
Blaðfólk - Hvat heldur tú vera løgið?
Jensina - At fólk halda tað er løgið, at fólk ikki eru líka sum tey
User avatar
Hergeir
 
Innlegg: 1629
Skrásett/ur: 13 okt 2008, 10:23
Kyn: Dult

Fram

Aftur til Kommunuval 2008

Vitjandi og virknir kjakarar

Kjakarar til staðar her: No registered users

cron