Tórshavnar kommuna - verji havnaløgini

Ein ókeypis pallur til øll kommunuvalevni

Kjakansarar: FlóvinE, Dionysus

Tórshavnar kommuna - verji havnaløgini

GoymSkrivað hevur Niels Uni » 27 okt 2008, 00:44

Rami roykurin av olju í nasagluggunum, dálkaðir fuglar og handan vemmiliga evjan, sum skolar upp móti bryggjukantinum og móti klettunum úti á Tinganesi. Alt ov ofta seinastu árini hava umhvørvissvín dálkað okkara havnarløg, ofta uttan at hetta verður fráboðað og nærum altíð uttan at tað verður revsað.

Tórshavnar kommuna hevur meldað alla dálking í farna valskeiði, til løgregluna. Men enn er eingin veruliga revsaður. Hóast nógv royna at sleppa sær undan ábyrgdini, so er tað nú møguligt við DNA tøkni at finna syndararnir. Men tað tykist, sum um landsmyndugleikarnir ikki taka dálkingina í álvara. Sum landsins størsta kommuna má Tórshavnar kommuna eisini á hesum øki vísa vegin.

Vit kunnu sjálvi revsa umhvørvissvínini. Men hetta krevur politiskt dirvi. Tórshavnar havn er ein góð inntøka hjá Tórshavnar kommunu, og tí hava politikarar í alt ov stóran mun mangla dirvið at taka neyðugu stigini. Eg havi dirvið og verið eg valdur í Tórshavna býráð, fari eg at leggja hetta uppskot fram:

At vit banna teimum reiðaríum, ið dálka í okkara havnum at brúka havnirnar í kommununi. Avleiðingin er sostatt, at um tú dálkar einaferð í Havn, Kollafirði ella á Sundi, so sleppa skip hjá hesum reiðaríið ikki aftur í havn í okkara kommunu. Tó so, eitt reiðarí, ið sjálvt boðar frá tílíkari dálking, fær treytaða revsing, ið merkir, at dálkar skip hjá sama reiðaríi aftur, so verður reiðaríið burturvíst.

Vit liva í einum samfelagið, har rættarskipanin er bygd á tankan um fyribyrging, og trúgv mær, hetta hevði fingið fólk at ansa betur eftir. Tí tað er nærum altíð ósketni, ið er orsøk til dálkingina.

Tað er tó greitt, at revsing av umhvørvissvínum er landsmál, og tí eiga vit at trýsta avvarðandi myndugleikar til at gera munagóð átøk. Vit eiga at krevja, at skip sum dálka verða revsaði helst við fongsulsrevsing og við stórari bót, ið hóskandi kundi verið kr. 5.000 pr. litur, og um málið ikki varð fráboða av syndaranum, skuldi henda bót verið tvífaldað. Hesin partur er týdningarmikil, tí fráboðan kann avmarkað umhvørvisárin, av dálkingini.

Eg gjørdi í mínum virki sum journalistur í fjør eina samrøðu við forkvinnuna í umhvørvisnevndini hjá Tórshavnar kommunu, hon greiddi mær frá, at í íslendskum havnum kendu tey slett ikki til oljudálking, tí man har revsar tílíkt hart. Henda útsøgn váttar, at revsing virkar fyribyrgjandi.
“I played for Liverpool for a few years and had some great moments. But when a club like Chelsea, with bigger potential, come calling, it’s hard to say no – especially when it looked impossible to win the league for Liverpool.”, Fernando Torres
User avatar
Niels Uni
 
Innlegg: 1643
Skrásett/ur: 13 okt 2008, 23:37
Kyn: Maður

Re: Tórshavnar kommuna - verji havnaløgini

GoymSkrivað hevur Hergeir » 27 okt 2008, 09:17

ja, hatta virkar kanska í so ógvusligt. Mann kann sagtans verða óheldigur tvær ferðir, so hatta við totalum banni er í so gamla testament gud'sligt. Har er alt ov nógv ting, sum spæla inn og tað ljóðar ikki heilt, sum tú hevur sett teg ordiliga inn í tingini.
Blaðfólk - Hvat heldur tú vera løgið?
Jensina - At fólk halda tað er løgið, at fólk ikki eru líka sum tey
User avatar
Hergeir
 
Innlegg: 1629
Skrásett/ur: 13 okt 2008, 10:23
Kyn: Dult

Re: Tórshavnar kommuna - verji havnaløgini

GoymSkrivað hevur Niels Uni » 27 okt 2008, 11:11

Eg havi absolutt sett meg inn í tingini. Tá einki skip hevur dálkað í havnini í Reykjavík seinastu 20 árini, so eru 2 møguleikar ríkiligt í Føroyum. Hetta snýr seg um, at man veruliga prioriterar trygdina.
“I played for Liverpool for a few years and had some great moments. But when a club like Chelsea, with bigger potential, come calling, it’s hard to say no – especially when it looked impossible to win the league for Liverpool.”, Fernando Torres
User avatar
Niels Uni
 
Innlegg: 1643
Skrásett/ur: 13 okt 2008, 23:37
Kyn: Maður

Re: Tórshavnar kommuna - verji havnaløgini

GoymSkrivað hevur Winther » 27 okt 2008, 11:17

Nú havi eg ikki sett meg inn í hettar, men bítur tú ikki bara teg sjálvan í reyvina við at banna reiaríum frá havnunum? Tú missur pengar sjálvur og so mást tú út at finna teir pengarnir aðrastaðni meðni og hvar skuldi teir komi frá, skattagjaldaranum?
Winther
 
Innlegg: 46
Skrásett/ur: 26 okt 2008, 23:46
Kyn: Dult

Re: Tórshavnar kommuna - verji havnaløgini

GoymSkrivað hevur Niels Uni » 27 okt 2008, 14:12

Eg eri sannførdur um, at tað verða sera fá reiðaríir, ið vera bannlýst, tey fáa skil á síni ting. Men um tað er avleiðingin, so er tað tað. Eg havi frætt, at man í Reykjavík ikki hevur havt nakra oljudálking í 15 ella 20 ár, tí man dálkar ikki, tí dálkar man er avleiðingin sera ógvislig. Føroyingar eru ikki býttari enn íslendingar.
“I played for Liverpool for a few years and had some great moments. But when a club like Chelsea, with bigger potential, come calling, it’s hard to say no – especially when it looked impossible to win the league for Liverpool.”, Fernando Torres
User avatar
Niels Uni
 
Innlegg: 1643
Skrásett/ur: 13 okt 2008, 23:37
Kyn: Maður

Re: Tórshavnar kommuna - verji havnaløgini

GoymSkrivað hevur Hergeir » 28 okt 2008, 12:33

Hey Niels Uni
Tað eg meini við, er, at um handan mannagongdin riggar pr. automatik, so skuldi ongi lógarbrot veri í fo yvirhøvur, ongin hond kappað av vegna stuldur og ongi morð har tað er deyðarevsing.

Skulu smáir bátar straffast eins harðliga sum teir størru? Hvør skal halda eyga við hesum? Hvat um ein reiðari eigur 10 ymiskar bátar/skip skal talan so verða um kollektivan straff? O.s.fr., hatta eru nøkur av tingunum, sum eg meinti við, tá eg segði, at tað virkaði eitt sindur illa gjøgnumhugsað.
Blaðfólk - Hvat heldur tú vera løgið?
Jensina - At fólk halda tað er løgið, at fólk ikki eru líka sum tey
User avatar
Hergeir
 
Innlegg: 1629
Skrásett/ur: 13 okt 2008, 10:23
Kyn: Dult

Re: Tórshavnar kommuna - verji havnaløgini

GoymSkrivað hevur Niels Uni » 28 okt 2008, 18:55

Tíanverri er prevententiva rættarskipanin ikki perfekt, men í hesum førinum snýr tað seg um dálking orsakað av ósketni. Vandin fyri at kosta reiðaríi sínum møguleikan at avreiða í havnunum í okkara kommunu, er nóg mikið, at gera at øll, ið fáast við hetta, gera sær neyðuga ómakin, meðan tey fáast við oljuáfylling. Tí oljuáfylling er eitt álvarsmál.

Sjálvandi skulu smáir bátar straffast eins harðliga og stórir, um teir dálka líka illa sum teir stóru. Sjálvandi skal eitt rímiligt minstamark vera, t.d. skal ein litur ikki kunna føra til bann.

Eg eri sjálvur meira fyri landsuppskotinum, sum eg hevði við stórum bótum, ið vera roknaðar eftir oljumongdini. Hetta ger, at stóru dálkararnir gjalda mest.

Hvat um ein reiðari eigur 10 ymiskar bátar/skip skal talan so verða um kollektivan straff?


Hetta er ikki kollektivur straffur, hetta er straffur av primera dálkaranum, ið er reiðaríið - Reiðaríið hevur ábyrgdina.

Bara tí tú ikki er samdur, so kann tað vera væl og virðiliga gjøgnumhugsað. Eg haldi, at tínar atfinningar øgiliga væl uppsummera, hví einki er hent á økinum. Atlit verða í alt ov stóran mun tikin til reiðarí, og stuttskygdan løtuvinning, ístaðin fyri at fokusera uppá umhvørvið, ið er so týdningarmikið, at eitt sindur av mistum havnapengum er eitt offur, ið vit mugu taka á okkum. Eg tori, tora tit?
“I played for Liverpool for a few years and had some great moments. But when a club like Chelsea, with bigger potential, come calling, it’s hard to say no – especially when it looked impossible to win the league for Liverpool.”, Fernando Torres
User avatar
Niels Uni
 
Innlegg: 1643
Skrásett/ur: 13 okt 2008, 23:37
Kyn: Maður

Re: Tórshavnar kommuna - verji havnaløgini

GoymSkrivað hevur Hergeir » 28 okt 2008, 22:08

Tað er ikki tí eg eri ímóti tí. Tað er tí, at títt uppskot ikki hevði nakra nuancu. Eg eri við upp á at straffa miljøsvín, men eg ivist, um tín máti er tann rætti. Tað er eitt fínt útgangspunkt, men eg haldi ikki, at hatta skal verða tað endaliga. Har eru ov nógv hol.
Blaðfólk - Hvat heldur tú vera løgið?
Jensina - At fólk halda tað er løgið, at fólk ikki eru líka sum tey
User avatar
Hergeir
 
Innlegg: 1629
Skrásett/ur: 13 okt 2008, 10:23
Kyn: Dult

Re: Tórshavnar kommuna - verji havnaløgini

GoymSkrivað hevur Niels Uni » 28 okt 2008, 23:33

Tað eri eg so ikki samdur í, men sjálvandi politikkur er kompromis, so uppskotið kann tillagast, men skal tað virka fyribyrgjandi, má revsingin vera hørð. Her er í nærum øllum førum talan um ósketni, og dálkingarnar eru ótrúliga nógvar í tali.
“I played for Liverpool for a few years and had some great moments. But when a club like Chelsea, with bigger potential, come calling, it’s hard to say no – especially when it looked impossible to win the league for Liverpool.”, Fernando Torres
User avatar
Niels Uni
 
Innlegg: 1643
Skrásett/ur: 13 okt 2008, 23:37
Kyn: Maður

Re: Tórshavnar kommuna - verji havnaløgini

GoymSkrivað hevur Hergeir » 28 okt 2008, 23:42

Tú skuldi gleðiliga fingið mína atkvøðu Niels Uni, men eg búgvi ikki í Føroyum, so eg fái ikki atkvøtt... tíverri. Tað er stórur tørvur á einum at skumpa undir viðv. tónleikinum. Eisini altíð gott við nýhugsan og nýggjum entusiastiskum fólki.

Hevði tað ikki verið smartari at straffa við peningaligari revsing? So kunnu teir pengarnir jú brúkast til okkurt skilagott, sum gagnar kommununi. Revsa endiliga hart á tí økinum, so er talan um eina win/win situation.

Eitt annað má vera, at tað má finnast onkur fysiskur máti at fyribyrgja oljudálking. Veit tú nakað um tað? Eitt sindur a la "pre-crime", so mann kann forða fyri at skaðin er minst møguligur ella ikki gerst størri enn eitt vist.
Blaðfólk - Hvat heldur tú vera løgið?
Jensina - At fólk halda tað er løgið, at fólk ikki eru líka sum tey
User avatar
Hergeir
 
Innlegg: 1629
Skrásett/ur: 13 okt 2008, 10:23
Kyn: Dult

Re: Tórshavnar kommuna - verji havnaløgini

GoymSkrivað hevur Niels Uni » 29 okt 2008, 21:14

Eitt sum onkur hevur skotið upp, er at krevja oljubyrgingar, hvørja ferð olja verður bunkra. Tað er í øllum førum avmarkandi, men skuldi ikki verið neyðugt, serliga ikki, tá man hugsar um, at tílíkar dálkingar, um eg havi fingið rættar upplýsingar, eru í stóran mun eitt lokalt føroyskt fyribrygdi. Olja fer nærum ongantíð á sjógv, um fólk hava fastar mannagongdir, har kannað verður um allir ventilar eru skrúvaðir fyri, og um hildið verður eygað við, at man ikki fyllir ov nógv á.

Eg eri púra samdur í, at stórar bøtur eru besta loysnin, men oljudálking er landsmál, og har hendur forbiðið lítið. Men ein kommuna hevur ræði yvir sínum havnum, og má tí kunna burturvísa svínum.
“I played for Liverpool for a few years and had some great moments. But when a club like Chelsea, with bigger potential, come calling, it’s hard to say no – especially when it looked impossible to win the league for Liverpool.”, Fernando Torres
User avatar
Niels Uni
 
Innlegg: 1643
Skrásett/ur: 13 okt 2008, 23:37
Kyn: Maður

Re: Tórshavnar kommuna - verji havnaløgini

GoymSkrivað hevur Petur í Gong » 31 okt 2008, 00:24

Haldi tað vera so púra rætt at gera nakað munagott við henda trupulleikan. Frá míni egnu tíð á heimshøvunum kenni eg væl til hvussu høgt verður gingið uppí hetta aðrastaðni. Minnist einaferð vit mistu okkurt um ein hálvan litur ella minni av diesel í havnini Darwin. Tað var eitt øgiligt uppstandilsi. Men á Havnarvág verða litrar aftaná litrar, kanska tons, pumpað út á vágna. Men tað er ikki bara í Havnt, at hetta verður gjørt. Tað er um alt landið. Og so tann trupulleikin, har bátaeigarar fara´stutt út um molan at tøma sær rottangan. Seinni sama dag flýtur øll óhumskan inni ímillum bátabrúgvarnar.
Men....., og tað er eitt men. Um vit skulu burturvísa bátum og skipum, má tað galda um alt landið. Tað nyttar einki at vera strangur í Havn, um skipini bara kunnu fara inn á Skálafjørðin at svína. So her liggur størsta avbjóðingin í at skumpa undir landsmyndugleikarnar, ella møguliga at orðna tað við kommunalum samstarvi. Men líka mikið hvussu tað verður gjørt, so má tað gerast. Ongantíð ov skjótt.
Petur í Gong
 
Innlegg: 70
Skrásett/ur: 29 okt 2008, 21:42
Kyn: Dult

Re: Tórshavnar kommuna - verji havnaløgini

GoymSkrivað hevur Niels Uni » 31 okt 2008, 22:51

Eg eri samdur við tær Petur, at best er um strangar reglur koma frá landinum og um alt landið, men tað kunnu við býráðspolitikkarar í Havn ikki fremja, vit kunnu skumpa undir, og ein máti at skumpa undir, er við at gera tílík átøk í okkara havnum, hetta trýstir landsmyndugleikarnir, og hetta spælið sum býráðspolitikarar hava spælt alt ov leingi, har man bíðar og grenjar inn á landsmyndugleikarnar, tað spælið vil eg ikki longur spæla við í.
“I played for Liverpool for a few years and had some great moments. But when a club like Chelsea, with bigger potential, come calling, it’s hard to say no – especially when it looked impossible to win the league for Liverpool.”, Fernando Torres
User avatar
Niels Uni
 
Innlegg: 1643
Skrásett/ur: 13 okt 2008, 23:37
Kyn: Maður

Re: Tórshavnar kommuna - verji havnaløgini

GoymSkrivað hevur KER » 02 nov 2008, 20:28

Hugsi hattar málið hoyrir í stóran mun heima hjá Umhvørvisstovuni undir Innlendismálaráðnum sum við lógum og ella kunngerðum kann / skal umsita økið.
IMR kann / skal so gera galdandi eina bunkerskunngerð fyri landið sum kommunur / havnamyndugleikar hava at halda seg til.
Avvarandi myndugleiki kann so áseta reglur fyri hvussu farast skal fram tá óhapp henda og dálking kemur fyri.
Haldi ikki straffiramman skal vera so ógvuslig. Man kann hyggja at hvussu man ger í londunum vit vanliga vilja verða somanborin við.
Tað er kanska lætt at vísa einum skipi ella reiðaríi burtur - MEN - hvussu vilt tú gera tá ið tað eru Shell og / ella Statoil ið skulu ábyrgdast ? Blaka tey út ? Geva teimum berufsverbot ?
Og hvussu tá ið eitt reiðarí skrásett í Havn og er ein av størstu skattgjaldarunum í kommununi skal ábyrgdast ? Fær ólukkudýrið fótin frá tær ?
Og um tað hendi hjá SEV á Sundi ? Boykotta SEV og nokta at keypa streym ?
Annars eru góðir møguleikar hjá skipum at bunkra aðrastaðni enn í Havn - í Søldarfirði, Fuglafirði og Klaksvík.
Alt gott um teg, men fær í holt við okkurt sum tú hevur skil fyri og lat onnur taka sær av Tórshavnar Havn.
KER
 
Innlegg: 1
Skrásett/ur: 02 nov 2008, 19:55
Kyn: Dult

Re: Tórshavnar kommuna - verji havnaløgini

GoymSkrivað hevur Niels Uni » 02 nov 2008, 21:17

KER, tá tey sum hava skil fyri tí eftir øllum at døma ikki taka sær av Tórshavnar havn, so noyðast vit óvitandi at a gera tað, kann gott vera, at eg ikki eri nakað flogvit innan bunkringartekniskar spurningar, men tað krevst heldur ikki fyri at síggja, at verandi støða er fullkomiliga óhaldbar.

Eg eri heilt sannførdur um, at hvørki Shell ella Statoil høvdu mist ein dropa á sjógv, um mítt uppskot til revsing gjørdist veruleiki, ella SEV fyri tann saks skuld. Vænti at støðan hevði verið sum í Reykjavík, har eingin olja fer á sjógv. Eg havi longu fleiri ferðir sagt, at eg sjálvur hevði fyritrekt ógvisliga fíggjarliga revsing. Og ja, eg veit væl, at hetta hoyrir undir umhvørvisstovuna, men vit og okkara eftirkomarar hava ikki tíð at bíða eftir, at landsmyndugleikarnir eru sína uppgávu vaksnir.

Skilji væl, at ein sum livur av skipum, ið bunkra í Tórshavnar havn, hevur eina aðra meining um hetta, men tað er so ein erlig søk, men tíanverri, er tað júst tey stuttskygdu fíggjarligu atlitini, ið verða tikin framum í hesum málinum. Tú sigur:

Haldi ikki straffiramman skal vera so ógvuslig.


Tað eri eg slettis ikki samdur við tær í. Hetta prógvar veruliga, at fólk, ið hava ov nógv uppá spæl fíggjarliga, ikki skulu sleppa at taka avgerðirnar í hesin máli. Tað er eisini greitt, at um Tórshavnar kommuna tók tílíka avgerð, hevði hetta sparka gongd í málið hjá landsmyndugleikunum, so hetta hevði bert verið galdandi í eitt stutt tíðarskeið.
“I played for Liverpool for a few years and had some great moments. But when a club like Chelsea, with bigger potential, come calling, it’s hard to say no – especially when it looked impossible to win the league for Liverpool.”, Fernando Torres
User avatar
Niels Uni
 
Innlegg: 1643
Skrásett/ur: 13 okt 2008, 23:37
Kyn: Maður

Fram

Aftur til Kommunuval 2008

Vitjandi og virknir kjakarar

Kjakarar til staðar her: No registered users

cron